Festivalprogrammet 2002
vert presentert i mars

For siste nytt, sjå pressemeldingar

Telemarkfestivalen - eit moderne
folkemusikkprosjekt
Telemarkfestivalen i Bø presenterer kvart år originaltappa folkemusikk frå fleire himmelstrok - i ein intim atmosfære møter norske folkemusikkartistar framståande utanlandske utøvarar.

Telemarkfestivalen vil vere ein møtestad og ein arena for fornying av folkemusikken - ein stad der det eksperimentelle skal møte det tradisjonelle, der det nasjonale skal møte det internasjonale. Samtidig skal festivalen også vise fram dei mangfaldige tradisjonane i vår eigen kultur både innan folkemusikk- og dans.

Ei viktig satsing for Telemarkfestivalen i 2002 vil vere folkemusikken som urkraft og urkjelde for vidare utvikling inn i eit nytt hundreår - festivalen ønskjer å vidareføre og styrkje vår profil om å vera ein møtestad for det som rører seg innan folkemusikken.