Laster Arrangementer

90 uforgløymelege minuttar med Bjørn Tomren

Hausten 2021 imponerte Bjørn Tomren heile Noreg som den mest særeigne artisten i den populære NRK-serien «Stjernekamp». Med eit unikt uttrykk og ei eineståande formidlingsevne blei Tomren omtala som den kulaste artisten i Stjernekamp gjennom tidene. Artisten, låtskrivaren og komikaren frå Tomrefjorden er også kjent frå den notoriske jodle- og trekkspelduoen Polkabjørn & Kleine Heine som trimma lattermusklane til publikum på Telemarkfestivalen i 2017 i nesten tre timar! I 2019 gav Bjørn ut sitt fyrste album, «Bad Science Fiction» til overveldande kritikkar. Avisa Bergens Tidende karakteriserte plata som «så mørk at ein kan drukne i den». Tomren sjølv kallar det dystopisk sci-fi-country som du kan lytte til i bakrus.

Som ein av landets mest allsidige musikarar spenner Tomren si musikalske rekkjevidde frå americana og religiøse folketonar til jazz, viser, jodling, strupesang, dialekt-punk og psykedelisk protestmusikk.

Stjernekamp er ikkje den fyrste konkurransen der Tomren gjer seg bemerka. Han har òg vunne prisen som «Best Act of The Year» på legendariske Joe’s Pub i New York, og i 2017 deltok han i verdsmesterskapen i strupesang i Tuva der han vann ein bronsehest. I bandet til Tomren finn me òg bøhering Anders Bitustøyl.

Har du 90 minuttar til overs, så er dette definitivt ein av dei betre måtane å bruke dei på!

Medverkande
Bjørn Tomren – vokal, gitar
Åse Britt Johansen – vokal, gitar
Hans Olav Molde – trommer, dobro, vokal
Einar Sogstad – tangenter, vokal
Anders Bitustøyl – bass, vokal

Flytting av arrangement på grunn av regn vert bestemt om morgonen same dag og vert varsla på Facebook, heimesider og med plakatar på festivalkontor og arenaer.