«DRIV I LIV OG SKRIV» – Bøkappleiken sin årlege kulturkveld med Knut Buen som gjest

I samband med Bøkappleiken inviterast det til kulturkveld med Knut Buen som gjest i Storsalen i Gullbring fredag 3. november kl 19:00:

Spelemannslaget Bøheringen og Bø dansarring

Kjetil Bergheim

Anne Gravir Klykken

Kari Lønnestad

Håvard Svensrud

Per Anders Buen Garnås

Torgeir Straand

Knut Buen er blant dei mest aktive folkemusikarar me har. Han er kveldens gjest, saman med nokre av dei han har mykje samarbeid med i år: Me vil møte pianisten Kjetil Bergheim som vil tolke Knut sine komposisjonar for klaver og folkesongar Anne Gravir Klykken som vil synge viser Knut har dikta. Me vil møte hardingfelespelar og nevø Per Anders Buen Garnås som med Knut som førebilete i spel vil spele utvalde slåttar. Me vil møte forleggar og trekkspelar Håvard Svendsrud som har fleire konsert- og plateprosjekt med Knut. Me vil møte arkivar for Folkemusikkarkivet i Telemark, Kari Lønnestad, som Knut har gitt mykje materiale til. Spelemannslaget Bøheringen med Bø dansarring opnar programmet.

Det vert lansering av boka «Skaparhug» frå Tekst forlag og medforfattar Annfrid Berget Haukeland.
Torgeir Straand er programleiar!

Telemarkfestivalen og Bøkappleiken gratulerer Knut Buen med 75 år, og ønskjer velkomen til en flott kveld med spel, kveding, bildeframvising og dikt!