Per Anders Buen Garnås & Stein Versto: «Tuntreet»
Heimlege toner og ord.
Per Anders Buen Garnås og Stein Versto: «Tuntreet»
Fredag 11. august 2023
Nye Sjodar – Evju bygdetun, kl. 16:00
285,-
Vel møtt til poesikonsert der ordet og tonen står i sentrum. Konserten vekslar mellom solo hardingfelespel og diktlesing, krydra med kortfatta refleksjonar om livet og poesien, der både alvoret og det mindre alvorlege får rom. Ordet tun har med det heimlege å gjere. Tunet er staden der husa rammar inn og skaper rom, og midt på tunet står treet. Ord og spel vil krinse rundt dette biletet, i vid forstand.
Per Anders Buen Garnås er spelemann, utdanna ved Spelemannsskulen ved Ole Bull Akademiet på Voss, og vart under Folkelarm i 2022 kåra til “Årets folkemusiker”! Han har vunne Landskappleiken på hardingfele fire gonger, han har vunne FolkeLarm-prisen to gonger, og han har vore nominert til Spellemann-prisen tre gonger.
Stein Versto frå Vinje i Telemark er forfattar og lyrikar, omsetjar og spelemann. Han debuterte som forfattar med novellesamlinga “Ho blei borte i trappene” i 1990, som han fekk Tarjei Vesaas’ debutantpris for. Seinare har han gjeve ut tre diktsamlingar, roman og ei prosabok om folkemusikk og utvandring, skrive essay og ei rekkje songtekstar tonesette av norske artistar, blant dei særleg Odd Nordstoga.
Medverkande
Per Anders Buen Garnås – hardingfeleStein Versto – stemme
Flytting av arrangement på grunn av regn vert bestemt om morgonen same dag og vert varsla på Facebook, heimesider og med plakatar på festivalkontor og arenaer.