Laster Arrangementer
Dette event har allerede funnet sted.

Rocka slåttebass og munnharpe med fuzz

Thov Wetterhus frå Nore i Numedal har vunne landskappleiken på munnharpe ikkje mindre enn seks gonger sidan 2007! Det energiske og eggande spelet til numedølen har blitt ein favoritt blant både publikum, dansarar og dommarar dei seinaste åra, og debutplata hans “Stålslått” (2021) vart nominert til Spellemann-pris.

 

 

Mattis Kleppen frå Bø har patentert og perfeksjonert slåttespel på akustisk bass. Etter tingingsverket «El Bokko» på Telemarkfestivalen i 2015 har Mattis Kleppen og hans Resjemheia spelt land og strand rundt med sin proggete folkrock – til stor begeistring for eit stadig større publikum. Kleppen vender likevel stadig tilbake til utgangspunktet – slåttar framført av han og den akustiske bassen. I vår gav han ut si andre solo-plate, «Svartufsen», og sjølvsagt kjem han og bassen heim til Bø og Telemarkfestivalen!

Bø har fått ein ny konsertlåve heime hjå ekteparet Torgeir Hefre og Gyrid Kvaale. For fans av NRK-serien «Rådebank» er det snakk om same stad som bustaden til karakteren Ine. Konsertlåven oser av sjarm og vil gi fine rammer for det som blir ein spennande dobbeltkonsert med ny musikk frå Mattis Kleppen og Thov Wetterhus. Kanskje finn dei òg på noko sprell i lag?

 

Obs! Det er ikkje plass til mange bilar her, så kom gjerne gåande eller syklande!

Medverkande
Mattis Kleppen – bassgitar
Thov Wetterhus – munnharpe

Flytting av arrangement på grunn av regn vert bestemt om morgonen same dag og vert varsla på Facebook, heimesider og med plakatar på festivalkontor og arenaer.