Laster Arrangementer

Ein flott dag Nes gard med fokus på Torkjell Haugerud sitt liv og verknad!

 

«Torkjell Haugerud i ord og tonar»

Søndag 5. juni, kl 13:00 – Nes gard, Garvikstrondi

335,- inkl. bill.avg.

 

Spelemannen Torkjell Haugerud frå Bø gifta seg i 1903 med Bergit Sigurdsdotter Nes frå Seljord. Etter nokre år flytta dei til garden Nes langs Garviksstrondi. Med Torkjell Haugerud kom ein av dei fremste spelemennene til Nes som då vari eit av dei viktigaste sentera for hardingfela på 1900-talet. Ein heil generasjon felespelarar var innom her for å lære. I dag er det Torkjell og Bergit sine to borneborn, Torkjell og Kristoffer, som bur på den vakre plassen, og dei opnar heimen sin for ein flott dag med fokus på Torkjell Haugerud sitt liv og verknad.

Søndag 5. juni kl 13 skipar Telemarkfestivalen og Sørnorsk folkemusikksenter til konsert ute på tunet på Nes. Her har det opp igjennom åra vore mange møter i musikk, og denne dagen er det Torgeir Straand, Knut Buen, Ragnhild Rose Knudsen, Torunn Raftevold Rue, Jon Solberg, Anne Gravir Klykken og Bø juniorspelemannslag som spelar opp.

 

Praktisk info:

Ta med eigen stol om du ønskjer å sitte!

Sal av kaker og kaffi ved Bø juniorspelemannslag.

Parkering ved garden.

Obs! Vérforbehold! Om det vert eit grueleg regnvér denne dagen vert konsert flytta til ein solskinsdag!

 

Velkomen!

 

Konserten er eit samarbeid mellom Telemarkfestivalen og Sørnorsk folkemusikksenter.

Medverkande
Torgeir Straand
Knut Buen
Ragnhild Rose Knudsen
Torunn Raftevold Rue
Jon Solberg
Anne Gravir Klykken
Bø juniorspelemannslag

Flytting av arrangement på grunn av regn vert bestemt om morgonen same dag og vert varsla på Facebook, heimesider og med plakatar på festivalkontor og arenaer.