Laster Arrangementer
Dette event har allerede funnet sted.

Musikk, leik og moro på torget!

Torgfestivalen er ein festival i festivalen med gratiskonsertar, marknad og mykje anna moro!

Laurdag 14. august vert ein flott dag med mykje liv og moro på torget: Frå scenen vert det flotte innslag frå scenen: Ingvild Flottorp er ein spennande ny stemme som rir på det som omtalast som ein eigen «Nordicana»-bølgje. Flottorp har blitt hylla for ein tilnærma prikkfri inntreden på Nordicana-scenen – noko som viser at det gror godt i neste generasjon som har trua på «twang». Ingrid Jasmin Vogt er oppvaksen i Telemark, men har fordjupa seg i musikk frå meir sydlegare strøk. Ho og makkaren Jesús Morente vil lever kjenslevar og nær flamenco-song. Som vanleg vil elevane i talentkurset Folkemusikk fordjuping  syne fram kva dei kan med ein eigen konsert. Det vert også marknad med spanande tilbod, og morosame aktivitetar! – Tidlegare har me hatt om lag 2000 innom på torget, seier dagleg leiar, Kristoffer Mosfjeld!

 

Det beste i livet er gratis!

Alle desse tilboda vil ha ein lavterskel-profil og er meint som ein invitasjon til barn, familiar og andre som kanskje elles ikkje er så kjende med folkemusikken frå før. Bø i Telemark er ein stad med lange tradisjonar for folkemusikk og folkedans. Under Telemarkfestivalen vil Bø torg vere ein arena der barn og unge får være med på ein mengde aktivitetar med folkemusikken og folkedansen som bakteppe – alt saman heilt gratis!

 

Program:

Kl 11:00 – Torget opnar

Kl 12:30 – Konsert med Ingvild Flottorp

Kl 14:00 – Konsert med Ingrid Jasmin Vogt og Jesús Morente

Kl 15:00 – Konsert med elevar frå Folkemusikk fordjuping

 

Smittevern på Bø torg:

Me vil oppmode publikum om å halde god avstand til andre medan dykk er på torget. Det vil vere eit køsystem inn til dei forskjellige salsbodane. Til konsertane vert publikum vist til ledige sitteplassar.

Flytting av arrangement på grunn av regn vert bestemt om morgonen same dag og vert varsla på Facebook, heimesider og med plakatar på festivalkontor og arenaer.