Fy fela som me har gleda kånn til å igjen kunne ønskje velkomen til festival! 2020 var eit trasig og annleis år for alle. For kånn i Telemarkfestivalen har det vore kjedeleg å ikkje ha høve til å gjere det me skal gjere og likar aller best – nemleg det å skipe til ein feiande flott folkefest i folkemusikken og folkedansens teikn! Me vonar å få høve til det no i år. Sjølv om mykje i skrivande stund framleis er usikkert – så er me er sikre på å få til ei fin festivalhelg i Bø mellom 12. og 15. august!

Velkomen til Telemarkfestivalen 2021!

Telemarkfestivalen 2021 vert arrangert innanfor dei smittevernreglane som måtte vere gjeldanden i august. For å kunne syte for eit trygt arrangement for alle involverte vil dei aller fleste arrangementa vere enkeltkonsertar som vil finne stad i og utanfor Gullbring kulturanlegg. Me vil leggje ut eit avgrensa tal med billettar på dei fleste arrangementa, men dersom det vert lov til å ha fleire inne på konsertane, vil me leggje ut fleire billettar. Dansearrangement for publikum fell bort, men me vil leggje opp til dansearrangment om reglane i august seier at me kan det.

Billettar i sal no! Følg med på meir detaljert informasjon om program Facebook og på vår nettstad. Alle billettar til årets festival selgast via Gullbring kulturanlegg: https://gullbring.no/telemarkfestivalen-2021/

Obs! Grunna ferietid i veke 26 til veke 31 er resepsjonen i Gullbring kulturanlegg kun bemanna mellom kl 16:30 og 21:00.

Fy fela som me gledar kånn!

Klikk her for å lese i den digitale programfolderen! 

VIKTIG INFORMASJON OM SMITTEVERN!

Telemarkfestivalen vil følgje gjeldande lokale og nasjonale retningsliner og råd for arrangørar når årets festival skal gjennomførast, og me ber publikum om å gjere det same. Hugs å halde avstand, sprite deg og hald deg heime om føler deg uvel! Her er nokre grunnreglar:

• Tilvising til fast plass: Publikum vert vist til fast plass av flinke festivalvertar – ver venleg å høyre på dei! For arrangement i Storsalen i Gullbring finn du aktuelt sete på billetten din. Det vil vere lurt å kome tidleg for å vere sikra god plass. Som ein grunnregel vil dørene opnast 30 minutt før konsertane startar (sjå aktuelle tidspunkt i programmet. I Gullbring Amfi vil me opne dørene 60 minutt før konsertane startar.

• Under konsertane: Me ønskjer mininalt med rørsle i samband med konsertane, og publikum må bli sittande på plassen sin under heile konserten. Det er sjølvsagt lov til å gå på toalettet inne i Gullbring. Ver venleg å høyre på beskjedar frå festivalpersonell.
• Servering: På aktuelle arrangement vert det bordservering med kjøp av aktuelle drikkevarar via Ordr.no. Det er et lett og greitt system. Instruksar vil ligge på bordene men sjekk gjerne ut korleis det fungerar på førehand: https://app.ordr.no/location/Lxqy8ygJ7AW Obs! Om det sit personar under 18 år på ditt bord vil det ikkje vere mogleg med servering til bordet. Om nokon på bordet mot formodning vert nekta meir servering, så vil det heller ikkje vere mogleg med vidare servering til bordet, så pass på kvarandre!

• Kjøp billettar på førehand: Me vil sterk tilrå publikum om å kjøpe billettar til festivalens arrangement på førehand. Det er fint for alle; du får sikra deg plass, me får sikra kånn naudsynt informasjon ved ei eventuell smittesporing og – og båe partar sparar tid i inngangen til arrangementa.

Me vil ellers be om forståing og samarbeidsvilje frå publikum, slik at Telemarkfestivalen 2021 vil vere ein trygt og flott arrangement for alle involverte!

Velkomen til Telemarkfestivalen 2021!