Sundag 13. august kan du bli med på mange spennande kurs på Evju bygdetun – alt frå munnharpekurs til kurs i plantefarging av garn. Ein deileg lunsj med ureist mat frå Evju bygdetun er inkludert i kursavgifta.

Påmelding til kurs: [email protected] 

Obs! Lenke til billettkjøp til aktuelt kurs vert sendt når påmelding er motteke!

Obsobs! Kursa må ha minst tre påmelde deltakarar for å kunne gjennomførast.

 

Kvedarkurs med Anne Gravir Klykken – FULLTEIKNA!
Raudstugo, kl. 11:00 – 14:00
285,- / 8 plassar

Velkomen til kurs i folkesong frå Telemark! Kurset blir ei uhøgtideleg samling der deltakarane syng seg
gjennom stubbar, viser, slåttestev og bånsullar frå Telemark med Anne Gravir Klykken som kursleiar. Kurset vil sveipe innom stiltrekk og historie knytta til songforma. Kurset kan passe både for deg som er nybyrjar, og for deg som er meir trena!

 

Munnharpekurs med Simen Roheim Iversen
Møllargutstugo, kl. 11:00 – 14:00
285,- / 8 plassar

Simen Roheim Iversen fekk ei munnharpe til jol i 2013 og har spelt utan stopp sidan. Munnharpa har på mange måtar staka ut kursen, og han er no utdanna folkemusikar og metallsmed. Når han ikkje er opptatt med å lage sine eigne munnharper i smia si på Evju bygdetun, så spelar han munnharpe på konsertar og kappleikar eller held kurs. Dette kurset vil vere for nybyrjarar der ein mellom anna vil lære opne- og lukketeknikken, som er ein grunnleggjande teknikk for melodispel på munnharpa.

Ps. Om du ikkje har eige munnharpe sjølv kan du låne eller kjøpe av Simen!

 

 

Kurs i teledans med Kristian og Borghild Hanto 
Nye Sjodar, kl. 11:00 – 14:00
285,- / Åtte par

Borghild Hardang-Hanto og Kristian Ihle Hanto har vore dansarar sidan barne- og ungdomsåra, og fordjupinga har vore dans til slåttespel med særdrag frå midtre og austre Telemark. Dei har vore A-klassedansarar sidan 70- og 80-talet, og har halde tallause kurs i springar, gangar og halling, her heime og i utlandet. Dette kurset vil passe for både nybyrjarar og for dei som har dansa litt før.

 

Kortkurs i karveskurd med Karina Børven
Verkstaden, kl. 11:00 – 14:00
335,- / 8 plassar

Med skjereblokk og kniv kan du lage dei flottaste geometriske mønster. Denne formiddagen får du ei rekke nyttige basiskunnskapar som du kan bygge vidare til uendelege mønster og designvariasjonar. Karveskurd har vore ein vanleg og viktig dekorasjonsform i fleire hundre år og har særleg vore utbreidd på landsbygda.

 

Kortkurs i plantefarging av garn med Laila Glittenberg 
Utandørs bak Verkstaden, kl. 11:00 – 14:00
335,- / 8 plassar

Få ein kort og spennande introduksjon til plantefarging av garn under Telemarksfestivalen.  Planteriket i Evju sitt nærområde er base for farging av ullgarn. Materialkostnader er inkludert i prisen.  Kanskje du får lyst til å prøve meir etter denne dagen?

 

Kurs i sying av bringeklutskjorte med Anne Lise Holte – FULLTEIKNA
Fjoset, kl. 10:00 – 15:00
485,- / 6 plassar

Har du med beundring kikka på dei fargerike bringeklutskjortene som mange i Bø brukar til stakk og liv eller beltestakk? I år får du sjansen til å saume di eiga skjorte. Bringeklutskjorta er eit enklare alternativ til den høgstemte brodera skjorta i kvit bomull, og du kan saume den i ulike stoff som blomstra bomull, fløyel eller silke. Anne Lise Holte er ei erfaren syerske og vil vere instruktør på kurset.

Obs! Deltakarane må kunne beherske grunnleggande saum av klede, og må sjølv ta med stoff (2 meter), symaskin og sysaker. Kurset har begrensa med plassar.

 

Kurstilbodet på Telemarkfestivalen er støtta av KOMP og Norsk senter for folkemusikk og folkedans! Me takkar!