Sharaka Ensemble

Sharaka Ensemble er eit norsk-palestinsk musikar- og komponistkollektiv. Musikarane har lang erfaring frå ulike crossover-prosjekt, og samstundes har kvar og ein eit ståstad i anten norsk eller arabisk tradisjonsmusikk. I møtet mellom musikarane oppstår det ei spenning som gir inspirasjon til å skape heilt ny musikk – der lyden av folkemusikkinstrument går inn i meir urbane lydbilete.

Gjennom ein unik kombinasjon av jazz, improvisasjon og musikalske tradisjonar frå begge kulturane utforskar gruppa nye kunstnariske uttrykk. Sharaka tyder «partnarskap» på arabisk, og ensemblet er eit levande døme på korleis musikk kan byggje bruer på tvers av språk, grenser og erfaringar. Publikum blir inviterte inn i ei varm og nær konsertoppleving, prega av samspel, nysgjerrigheit og kulturell utveksling.

Konserten er eit flott samarbeid med venene våre i Bø Jazzklubb.